Kisi khoj ki talaash mein..

Kisi khoj ki talaash mein

Hum itna door nikal aaye hai..
Kisi khoj ki talaash mein
Hum itna door nikal aaye...
K jis ki khoj mein nikle the
Vahi bhool chale aaye hai!

Apno ke saath jab the
Tab us khoj ki soch mein doobe rehte the.
Aur ab jab apno se door hai
Toh us khoj se jyada apno ki soch mein doobe rehte hai!

Kisi khoj ki talaash mein
Hum itna door nikal aaye hai..
Kuch paane ki kash-ma-kash mein
Jaane kitna door nikal aaye hai!

Jab bachche the,

Tab Mata pita kehte the, padhoge toh kuch ban jaoge.
Aur ab jab bade ho gye hai
Toh vahi hume kehte hai thoda khela bhi toh karo!

Kisi khoj ki talaash mein
Hum itna door nikal aaye hai.

K khush hai bhi ya nahi
Yahi bhool chale aaye hai!

Sabhi ye poochte hai k “Aur kaise ho?”.
Ji janaab, sabhi kehte hai hum ache hai!
Par koi ye kabhi nahi poochta, k “Kya aap khush ho?”.
Kunki janaab, iska jawaab poochne vale k pass bhi nahi hai!

Kisi khoj ki talaash mein
Hum itna door nikal aaye hai.
Ki na sawasthay ki fikr
Aur khane ki parwaah kahin bhool chale aaye hai!

Bhaag rha hai, Daud rha hai, Gir rha hai aur Bhatak rha hai.

Ae insaan, thoda thehar k toh dekh.

Safar bohot lamba hai,

Aur manzil kuch aur nahi, tu khud!

Kisi khoj ki talaash mein
Hum itna door nikal aaye hai.

K beete hue kal aur aane vale kal mein,

Apne aap ko hi bhool chale aaye hai!

Ek pal hum khojte hai
Vo beeta hua bachpan.
Aur ek pal hum sochte hai
Vo aane vala kal.
Lekin hum ye bhool jaate hai
K kitna anmol hai samay is pal.
Kunki na vapis aayega vo bachpan,
Aur na hi milega vo kal,
Toh ku na is samay ko poora jee le har pal.

Kisi khoj ki talaash mein
Hum itna door nikal aaye hai!